كلام حبوباتنا

طبعا مافي زول ما بعرف ليهو مثل من امثالنا ماعندك حبوبه ماعندك حبوبة جيرانكم الماعندو حبوبه يشتري ليهو حبوبه

انا لقطت ليكم كم مثل كده




الجاياك ما بتختاك
المقدر لك لابد أن تصيبك

بخيت شكروه قال داك شهر تانى
شخص اسمو بخيت وسط مجموعة من الناس يتحروا رؤية هلال رمضان
شاف الشهر قبلهم فشكروه قام قال ليهم داك شهر تاني

الحوت ما بهددوه بالغرق
يضرب بعدم المبالاة بالوعيد

إن جاتك في مالك سامحتك وان جاتك في نفسك بكتك
إذا رماك الدهر بمصيبة في مالك فقد سامحك بالنسبه في جسمك
أو ابنك أو عرضك

إن غلبك سدها وسع غدها
يضرب عند اليأس من الإصلاح فإذا عجزت عن سد مشكلة أو معضلة
عليك بتوسيعها حجمها

اسمك خصمك يا علمك الدغاله يا علمك الهباله
يعنى من وافق اسمه اسمك وكان معك في مكان واحد ونادى شخص
بذلك الاسم فأما أن تجيبا معا فيكون المقصود الاخر فهذا من الهبالة واما
أن تسكتا معا فيكون سكوتكما عدم مبالاة وهذه الدغاله

اللعور وسط العمى يقدل
الأعور يقدل في بلد العمى (يتبختر)يضرب لمن يكون فيه نقص خفى في
الأخلاق فينصح من يجاهر بذلك النقص أو يكون به عيب حقيقة في شكله فيسخر ممن يكون به ذلك العيب اكبر مما فيه

أبوك أمير وأبوي أمير مين بسوق الحمير
أبوك أمير وأبى أمير فمن منا يسوق الحمير أي من منا يخدم صاحبه
– يضرب للمتكبرين الذين لم يتفضل إحداهما بأخذ الفضل

دخانكم يدخن وجوعكم يمحن
ترى الدخان من المطبخ و تشم الرائحة وناس البيت ضعاف

سرارة اللعوت تتلاقى يوم الموت
قرابتكم كقرابة شجر اللعوت ما تلتقي أعواده إلا عند حرقها بعد
قطعهاكذلك انتم لا تلتقون إلا عند وفاة أحدكم في الصلاة عليه – يضرب
في المبالغة في الجفا

تمشي باتا وتجي باتا برباطه
الباتا عباره عن جزمه - ويضرب المثل عند تهديد شخص بشيء ان ينزع منه او يسلب منه (شكرا ياهيومه)



اتنين تدور غناهم راجل بتك وصاحب دينك



المال تلتو ولا كتلتو


ان تخسر جزء من المال ولا المال كلو


ارجي سفية ولاترجي باطل


السفية يصرف امواله في امور فرغة لكن الباطل يكون عاله علي غيره


الخيروه حيروه


الخيار بين متشابيهين صعب


الخواف ربي عياله


العترة بتصلح المشية


التور كان وقع تكتر سكاكينو


الجمل ما بشوف عوجة رقبتو


الواقعة من السما بتحملها الواطا


العود كان مافيه شق مابقول طق


اب سن بضحك على اب سنين


القفة ام اضنين بشولوها نفرين


جارك القريب ولا ود امك البعيد


النسيبة عين شمس


الصابر يعرس مرة راجل


التسوى كريت فى القرض تلقاه فى جلدها


قلِ العروض جفا


الزارعه الله فى الحجر بتقوم


حلم المطلقة فى الرجوع


بليلة مباشر ولا ضبيحة مكاشر


بيت الجدرى ولا بيت النقرى


الماشفتو فى بيت ابوك بخلعك


الشينة منكورة


الواضح مافاضح


العرجة لى مراحا


سيد الرايحة بفتح خشم البقرة


الببارى الجداد بوديهو الكوشة


المرة بدقوها باختها


الماعندو لسان فقرى وفلسان


فى الوش حبايب وفى القفا دبايب


سمحة البتعرّف


الماعندو ضهر بينضرب على بطنو


عيب الزاد ولا عيب سيدو


السترة والفضيحة متباريات


البحر بشيل عوامو


القلم مابزيل بلم

ان شاء الله ومنوره الموضوع ياعسل